26.4 C
Batangas

Anak ng dating mayor, arestado sa droga at nakaw na kotse

Must read

- Advertisement -

By JOENALD MEDINA RAYOS

LUNSOD NG TANAUAN, Batangas – ARESTADO ang anak ng isang dating alkalde ng lunsod na ito matapos makorner sa isang traffic incident sa lunsod na ito na nakadamay pa ng tatlo (3) pang sasakyan nitong Lunes ng hapon, Hulyo 23.

Sa ulat ni PSupt. Renato Mercado, hepe ng Tanauan City Police Station kay Batangas Police Director PSSupt. Edwin A. Quilates, nabatid na nagpapatrolya sa kahabaan ng National Highway sakop ng Sto. Tomas, Batangas ang grupo ni PSI Jet Sayno nang makaagaw-pansin sa mga alagad ng batas ang isang itim na Honda Civic na walang plaka at conduction sticker dahilan upang parahin ito.

ANG mga ebidensyang narekober ng pulisya sa posesyon ng suspek na si John Eric A. Lirio.|BPPO Photo

Sa halip na tumigil at lalo umanong humarurot palayo sa direksyon ng patungong Lunsod ng Tanauan kung kayat nagkahabulan pa ang drayber ng kotse at mga operatiba.

Sa pagtakas na ito ng suspek, nabangga pa ng Honda Civic ang isa pang kotse, isang tricycle at isang motorsiklo pagsapit ng barangay Uno, Poblacion sakop ng Lunsod ng Tanauan.

Kaagad namang inaresto ng otoridad ang drayber ng nakabanggang kotse na nakilalang si John Eric Lirio y Almeda, anak ni dating Tanauan mayor Paquito Lirio.

Nang halughugin ng mga tauhan ng Tanauan City Police Station ang sasakyang dala ni Lirio, nadiskubre rito ang may 25 gramo ng hinihinalang shabu na may street value na P136,000.00 at mga paraphernalia sa paggamit ng iligal na droga.

Wala namang naipakitang dokumento si Lirio ng pagmamay-ari sa naturang kotse na kalaunan ay nabatid na pag-aari ng isang taga-Lunsod ng San Pedro, Laguna.

Pansamantalang nakapiit ngayon sa Tanauan City lock-up facility ang suspek na nahaharap sa patung-patong na kaso ng paglabag sa RA 9165 at iba pang batas.|#BALIKAS_News

- Advertisement -
- Advertisement -

More articles

HOLD your horses! Corrida de Cavalos Cidade de Calaca once again ignites the interest of horse enthusiasts and devotees of Saint Raphael the Archangel. On March 27, 2024, Holy Wednesday, the city will hold its Festival of Horses at...
IBAAN, Batangas — KASABAY ng matunog na palakpakan na may kasamang sigawan ay tinanggap ng Maximo T. Hernandez Memorial Integrated High School ang tumataginting na P100,000.00 premyo bilang bagong kampeon sa mas pinakinang na Les Kuliembo Court Dance Competition...
Unmasked: An exhibit of photos from the field by Howie Severino and Atom Araullo I-Witness documentarists Howie Severino and Atom Araullo will share a selection of what they’ve seen in many years of coverage in a series of photo exhibits in...
- Advertisement -

Latest article

- Advertisement -