By ZYVIN GOFREDO
DASMARIÑAS, Cavite – MULI na namang ipinamalas ang husay at galing sa pakikipaglaban sa larangan ng taekwondo ang mga bumubuo ng Team Storm Power mula sa Lalawigan ng Cavite sa ginanap sa bayang ito nitong Linggo, Marso 18.
Higit pa sa inaasahan, naipakita ng buong koponan sa katatapos na Provincial Bro. Rolando Dizon Cup 2017 – Cavite Province Inter-School Taekwondo Championship sa De La Salle University – Dasmariñas ang angking husay sa taekwondo na nilahukan din ng iba’t ibang team mula sa lalawigan ng Cavite na pawang kasapi ng Philipppine Taekwondo Association (PTA).
Kabilang sa nagpamalas ng husay sa pakikipagbakabakan si Joaquin Benjamin Ramirez na miyembro ng Storm Power mula sa Kawit, Cavite.
Anim na taong gulang pa lang si Joaquin nang magsimula siang magsanay at sumabak sa iba’t ibang laban sa mga lalawigan ng Cavite, Batangas at Laguna at iba pang lugar sa bansa. Sa patuloy na pagsubaybay ng mga magulang niyang sina Reynaldo at Mary Jane Ramirez, at sa pagtutok ng coach na si Ross San Buenaventura at Assistant Coach na si Hewett San Buenaventura, nahasa ng tuluyan si Joaquin na siyang nagging puhunan niya sa ganitong mga kampeonato.
Samantala, narito ang mga nagsipagwagi sa naturang torneo:
Sa Gold – Zha Zhang Bandoy, Jessa Robles, Gosh Bolano, at Margarita Cacpal. Sa Silver ay sina Harley San Buenaventura at Nico Clamosa; samantalang nakakuha naman ng bronze si Joaquin Benjamin Ramirez.|#BALIKAS_News
