News

Sudanese national, arestado sa Batangas Port dahil sa marijuana

PORT AREA, Batangas City – ARESTADO ang isang Sudanese national matapos makuha rito ang ilang stick ng pinatuyong dahon ng Marijuana sa Port of Batangas nitong Lunes.

Batay sa imbestigasyon ng otoridad, patungo sana sa Puerto galera, Oriental Mindoro ang suspek na nakilalang si Mohammed Sameer Mohameed Ali Almagdi, 26, isang foreign exchange student sa bansa at kasalukuyang naninirahan sa Brgy. Sta. Teresita, Quezon City.

Ayon sa isang gwardiya ng Asian Terminals Inc., nasa proseso umano siya ng routinary baggage check ng mga gamit ng suspek nang mapansin niya ang isang kahon ng sigarilyo na may kaduda-dudang itsura. Nang tanungin umano ang suspek kung ano ang laman nito, kagaad naman umanong umamin ang suspek na may laman itong Marijuana, dahilan upang pabuksan ito ng nasabing guwardiya. At nang buksan umano ang naturang kahon, tumambad sa mga ito ang pitong (7) stick ng pinatuyong dahon ng Marijuana.

Kaagad na dinala ng guradiya ang nsabing suspek sa Batangas Port Police upang maisadokument ang nakuhang kontrabando sa pag-iingat ng suspek. Kaagad din namang nakipag-ugnayan ang Batangas Port Police sa tanggapan ng Philippine Drug Enforcement Agency (PDEA) – Region 4A sa Camp Vicente Lim, Lungsod ng Calamba, Laguna.

Inihahanda na ang kasong paglabag sa Republic Act 9165 o Comprehensive Dangerous Drugs Act of 2002 laban sa nakapiit na ngayong suspek.|May ulat ni Ghadz Rodelas

Share this: