29.3 C
Batangas

Passport On Wheels ng DFA, umarangkada sa Ibaan

Must read

- Advertisement -

By KHAREN E. TEJADA

SA kauna-unahang pagkakataon ay nagsagawa ng Mobile Passporting sa Ibaan na nilahukan ng halos 600 aplikante hindi lamang mula dito ngunit bukas din sa iba pang bayan. Ginanap ang pagpoproseso ng mga pasaporte sa St. James The Greater, Formation Center, Poblacion, Ibaan Batangas, Abril 3.

Sa kabuuang 614 na mga aplikante, 549 ang agad na nakapagproseso ng passport at maghihintay na lamang ng kumpirmasyon kung kailan nila ito matatanggap.

Nagbayad ang mga aplikante ng halagang Php 1,200 para sa pagpoproseso nito at Php 150 naman para sa shipping fee.

Naging maayos at mabilis naman ang ginawang sistema ng mga kawani ng Department of Foreign Affairs (DFA) – Office of the Consular Affairs na sina Ms. Maria Concepcion Cabarriban, Jaymie Magno, Dienzel Samaniego, Jevelynne Alina, Vermillon Soria, Roust Ann Mei Arallas, Maria Isabel Inton, Hannah Ingrid Menia, Eunice Tabitha Trinidad, Danica Carla Mae Torres, at Raphael Jonathan Tadeo na binati ang pagkakaroon ng disiplina ng mga taga-Ibaan.

Sa pangkalahatan umano ay naging maayos ang Mobile Passporting dito at hindi nagkaroon ng anumang malaking problema.

Pursigido naman si Mayor Danny Toreja na madadagdagan pa ang bilang ng mga aplikante na nais magkaroon o ma-renew ang kanilang passport kaya naman pinakiusapan niya ang mga taga-DFA na muling magsagawa ng mobile passporting dito sa bayan.

Inaasahan na sa darating na Hulyo ay uumpisahan muli ang pagbibigay ng detalye tungkol dito.

Ayon sa maraming aplikante, malaking tulong ito at napadali ang kanilang pagpapaayos ng pasaporte kaya hiling din nila na maulit ang ganitong programa.

Nagpasalamat din ang buong Ibaan LGU sa mga taga DFA na binigyan ng pagkakataong isagawa ang programa dito sa unang pagkakataon.|#BALIKAS_News

- Advertisement -
- Advertisement -

More articles

HOLD your horses! Corrida de Cavalos Cidade de Calaca once again ignites the interest of horse enthusiasts and devotees of Saint Raphael the Archangel. On March 27, 2024, Holy Wednesday, the city will hold its Festival of Horses at...
IBAAN, Batangas — KASABAY ng matunog na palakpakan na may kasamang sigawan ay tinanggap ng Maximo T. Hernandez Memorial Integrated High School ang tumataginting na P100,000.00 premyo bilang bagong kampeon sa mas pinakinang na Les Kuliembo Court Dance Competition...
Unmasked: An exhibit of photos from the field by Howie Severino and Atom Araullo I-Witness documentarists Howie Severino and Atom Araullo will share a selection of what they’ve seen in many years of coverage in a series of photo exhibits in...
- Advertisement -

Latest article

- Advertisement -