News

Pasaherong tumalon sa dagat, nasagip ng mga tripulante

By JOENALD MEDINA RAYOS

PORT OF BATANGAS – HINDI pa matiyak ang dahilan kung anong nag-ugyok sa isang pasahero ng barko kung bakit ito tumalon sa dagat kahapon ng umaga.

Lulan umano ng barkong FastCat na pag-aari ng Archipelago Philippine Ferries Corporation, ikinabigla umano ng iba pang mga pasahero at tripulante ang biglang pagtalon ng di pa nakilalang pasaherong lalaki habang naglalayag ang barko patungong Port of Calapan sa Oriental Mindoro.

Kaagad din namang nasagip at nailigtas ng mga rumespondeng tripulante ang tumalong pasahero na nagdulot naman ng ibayong pagkaantala ng biyahe ng naturang barko.

Wala namang ibinigay na iba pang detalye ang pamunuan ng FastCat hinggil sa pagtalong ito ng kanilang pasahero. (With Ghadz Rodelas) | #BALIKAS_News

Share this: