25.8 C
Batangas

Libreng tuition, allowances at pamasahe, para sa 8,994 iskolar ng DOST

Must read

- Advertisement -

By JOENALD MEDINA RAYOS

PANIBAGONG batch na naman ng mga kabataan ang makikinabang ng libreng kolehiyo bilang mga iskolar ng Department of Science and Technology – Science Education Institute (DOST-SEI). Sa pinahuling bilang, halos umabot sa 9,000 ang makikinabang sa programang ito ng programa.

Nabatid sa inilabas na impormasyon ng DOST-SEI na umaabot sa 5,172 sa kabuuang 8,994 na nakapasa sa scholarship program ay maituturing na “gifted students who belong to economically disadvantaged families” o mga estudyanteng may sapat na kakayahang matuto o may kakaibang antas ng kaalaman ngunit kapos naman sa panustos para makatapos ng pag-aaral.

Nabatid din na umabot pa sa 3,822 ang pumasa sa DOST-SEI merit scholarship program ngayong taon.

Kabilang sa mga benepisyo ng pagiging iskolar ng DOST-SEI ay ang pagtanggap ng libreng matrikula, book allowance, P.E. clothing allowance at pamasahe pauwi at pabalik sa eskwelahan taun-taon kung ang eskwelahag pinapasukan ng estudyante ay iba pa sa probinsyang inuuwian nito.

Bukod dito, mayroon ding karagdagang ayudang P7,000 kada buwan ang mga iskolar.

Pahayag pa ng DOST-SEI, pinakamataas na bilang ng mga naging kwalipikadong iskolar ang naitala ngayong taon mula nang simulan ang scholarship program noong 1958.

Nitong mga nakalipas na dalawang taon, walang naging iskolar ang naturang programa bunsod ng pagpapatupad ng K-12 curriculum. Sapagkat kinailangan pang kumuha ng Grades 11 at 12 ang mga nagsipagtapos ng junior high school, may mga kurso naman na kayang makuha ngayon ng estudyante ng tatlo hanggang apat na taon lamang sa halip na apat hanggang limang taon.

Inaasahan namn ng pamunuan ng DOST-SEI na ang kanilang scholars ay magiging susi sa lalong pag-unlad ng bansa sa hinaharap.|#BALIKAS_News

- Advertisement -
- Advertisement -

More articles

HOLD your horses! Corrida de Cavalos Cidade de Calaca once again ignites the interest of horse enthusiasts and devotees of Saint Raphael the Archangel. On March 27, 2024, Holy Wednesday, the city will hold its Festival of Horses at...
IBAAN, Batangas — KASABAY ng matunog na palakpakan na may kasamang sigawan ay tinanggap ng Maximo T. Hernandez Memorial Integrated High School ang tumataginting na P100,000.00 premyo bilang bagong kampeon sa mas pinakinang na Les Kuliembo Court Dance Competition...
Unmasked: An exhibit of photos from the field by Howie Severino and Atom Araullo I-Witness documentarists Howie Severino and Atom Araullo will share a selection of what they’ve seen in many years of coverage in a series of photo exhibits in...
- Advertisement -

Latest article

- Advertisement -