News

COVID sa Pinas, 803 kaso na!

UMAKYAT na sa 803 ang kabuuang kaso ng nagpopositibo sa COVID-19 sa buong bansa matapos makumpirma ang 93 bagong kaso sa nakalipas na 24 oras.

Sa pinakahuling bulletin ng Department of Health [DOH COVID-19 CASE BULLETIN #013] na inilabas nitong alas-4:00 ng hapon, Biyernes, tatlo (3) lamang ang bagong nakarecover kaya naging 31 ang bilang ng nakarecover; samantalang triple naman o siyam (9) ang napatalang namatay na ngayon ay nasa 52 na.

Ngayong araw ang pinakamataas na bilang ng napadadag na kaso simula ng sumipa ang bilang ng mga nakukumpirmang positibo noong Sabado.

Kapansin-pansin ang matataas na bagong kaso simula noong Marso 21, Sabado, kung kailan naitala ang 77 kaso, na sinundan ng 73 noong Marso 22 (Linggo), 83 noong Marso 23 (Lunes); 90 noong Marso 24 (Martes) at 84 noong Marso 25 (Miyerkules) at 71 kahapon, Marso 26.| – BALIKAS News Network