News

Buong Team EBD, nagwagi sa eleksyon!

By JOENALD MEDINA RAYOS

BATANGAS City – MATAPOS mabilang ang may 97% ng boto mula sa mga clustered precincts sa 105 barangay ng Lungsod ng Batangas, nagdesisyon ang City Board of Canvassers (CBC) pasado alas-diyes ng gabi na iproklama na ang ilang kandidato ng Team EBD o Green Team bilang mga nanalong kandidato para sa mga posisyong lokal sa lungsod.

Ito’y matapos kumpirmahin ng nasabing Board na anuman ang maging resulta ng kabuuang boto mula sa nalalabing 3% ng mga presinto ay hindi na makapagbibigay ng substantial changes o pagkakaiba sa resulta ng halalan.

Magkapanunod na iprinoklama sina re-electionists Mayor Beverly Rose A Dimacuha at Vice Mayor Emilio Francisco (Doc Jun) Berberabe, Jr. na kapwa walang kalaban sa labang ito.

Pormal na itinaas ni Atty Gretchen Dolatre, City Election Officer at Chairman ng City Board of Canvassers ang kamay ni Mayor Beverly Rose A. Dimacuha bilang proklamasyon ng kanyang ikalwang termino.|ALVIN REMO
Itinaas rin ni Atty Gretchen Dolatre, City Election Officer at Chairman ng City Board of Canvassers ang kamay ni Vice Mayor Doc Jun Berberabe bilang proklamasyon ng kanyang releksyon.|PIO Batangas City

Bagaman at hindi pa pormal na naiiproklama, batay sa mga nakuhang boto nila, kabilang naman sa mga nangungunang konsehales na bubuo sa bagong Sangguniang Panlungsod sina:

  1. Cruz, Alyzza                    102,407
  2. Montalbo, Aileen A.         99,303
  3. Dimacuha, Nestor            85,796
  4. Buted, Karlos                     85,199
  5. Dela Roca, Gerry       78,622
  6. Macatangay, Oliver Z .    76,874
  7. Chavez, Nelson                 75,508
  8. Villena, Jullian                  72,218
  9. Pastor, Juanito                  71,342
  10. Atienza, Ched                    69,826
  11. Lazarte, Aleth                    67,965
  12. Gamboa, Jun                      59,280

Narito naman ang mga nakuhang boto ng iba pang kandidato:

Espina, Jun                        45,730
Balmes, Jonathan            45,129
Aclan, Dhess                      37,626
Mercado, Zeigfredo         12,167
Ilagan, Tita Wham           11,885
Abalos, Ronalina              10,331
Anza, Arex                            8,685
Quinio, Anabel                    7,290
Zara, Jonathan                    6,309

Samantala, tatlo pang kasama sa Team EBD na nakatitiyak ng panalo bagaman at hindi pa naipoproklama ay sina reelectionist Congressman Marvey Mariño; at Board Members Ma. Claudette U. Ambida at Arthur Blanco na pawang ipoproklama pa ng Provincial Board of Canvassers sa pag-convene nito bukas sa Sangguniang Panlalawigan Session Hall.|#BALIKAS_News

Panalo lahat ang mga kandidato ng Team EBD o Green Team sa eleksyong lokal sa Batangas City Lone District.|ALVIN REMO