26.9 C
Batangas

Must read

- Advertisement -

BATANGAS City — Pag-aaralan ng pamahalaang lungsod ang posibilidad ng paglulunsad ng electric tricycle sa lungsod sa layuning magkaroon ng energy efficient at environment-friendly na mga sasakyan.

Ito ay matapos lumagda sa isang Memorandum of Understanding (MOU) para sa paglulunsad ng E-Vehicle Initiative ang pamahalaang lungsod sa pamamagitan ni Mayor Beverley Rose Dimacuha at ang First Gen Power Corporation na kinatawan ni Vice President Ramon Araneta noong April 29.

Ayon kay City Planning and Development Coordinator Januario Godoy, ang naturang proyekto na inisyatibo ng First Gen Renewables Inc, sister company ng First Gas Power Corporation, ay inaasahang magiging “simula ng electric tricycle industry na posibleng maging programa ng pamahalaang lungsod.”

Ito aniya ay bilang suporta sa renewable energy program at local climate action plan upang mabawasan ang air pollution at carbon emission ng mga sasakyan.

LUMAGDA sa isang Memorandum of Understanding (MOU) para sa paglulunsad ng E-Vehicle Initiative ang pamahalaang lungsod sa pamamagitan ni Mayor Beverley Rose Dimacuha at ang First Gen Power Corporation na kinatawan ni Vice President Ramon Araneta, April 29 na sinaksihan nina City Planning and Develop-ment Coordinator Januario Godoy. Ang naturang proyekto ay inisyatibo ng First Gen Renewables Inc, sister company ng First Gas Power Corporation na inaasahang magiging simula ng electric tricycle industry na posibleng maging programa ng pamahalaang lungsod.|

“Mas maliit ang maintenance cost ng e-trike at mas mahaba ang life span kum-para sa mga conventional na tricycle. Mas marami ding pasahero ang pwedeng isakay dito,” dagdag pa ni Engr. Godoy.

Sinabi pa niya na mayroon ding ganitong programa ang Department of Energy (DOE) kung kayat posibleng pag-aralan din kung pwedeng pag isahin ang DOE program at ang local initiative.

Ipinabatid ni Mr. Araneta na magbibigay ng limang e-trikes ang First Gen bilang pilot vehicles ng proyekto.

Magsisimula ang proyektong ito sa pagbuo ng Technical Working Group (TWG) na siyang magsasagawa ng pag-aaral sa feasibility at profitability ng E-Trike. Pag-aaralan din kung saang ruta, linya at kooperatiba o Tricycle Operators Drivers Associa-tion papasok ang mga sasak-yang ito, kung paano ang maintenance, saan ang magiging charging station at iba pa.

Ang TWG ay bubuuin ng Mayor bilang chairman, City Environment and Natural Resources Office, Transportation Development and Regulatory Office (TDRO), City Planning and Development Office (CPDO) at iba pang konsernadong ahensya, First Gas at Meralco para sa charging station.

Inaasahan na sa buwan ng Hunyo ay masisimulan na ang pag-aaral habang ang MOU ay tatagal ng tatlong taon.|

- Advertisement -
- Advertisement -

More articles

HOLD your horses! Corrida de Cavalos Cidade de Calaca once again ignites the interest of horse enthusiasts and devotees of Saint Raphael the Archangel. On March 27, 2024, Holy Wednesday, the city will hold its Festival of Horses at...
IBAAN, Batangas — KASABAY ng matunog na palakpakan na may kasamang sigawan ay tinanggap ng Maximo T. Hernandez Memorial Integrated High School ang tumataginting na P100,000.00 premyo bilang bagong kampeon sa mas pinakinang na Les Kuliembo Court Dance Competition...
Unmasked: An exhibit of photos from the field by Howie Severino and Atom Araullo I-Witness documentarists Howie Severino and Atom Araullo will share a selection of what they’ve seen in many years of coverage in a series of photo exhibits in...
- Advertisement -

Latest article

- Advertisement -